最新動向 | 今晚想試試火炭的食肆，於是選咗呢間....... 上一則 | 下一則 | 返回
今晚想試試火炭的食肆，於是選咗呢間，店面雖然細，但入夜後可停車係街邊，呢樣夠方便。最重要係唔想食連鎖式薄餅店既嘢（好悶），而且對面街就係！今晚點咗墨魚汁意大利粉、煙三文魚薄餅、意式肉丸配蒜蓉飽、原味梳乎厘、酒味梳乎厘。

墨魚汁意大利粉個人覺得可以加多少少芝士同橄欖油感覺爭咗少少（可能就番大眾少油既口味），後來我問佢地攞啲油加番之後啲香味出番嚟，同啲意粉都滑番。特別一提個意粉煮得啱啱好，呢個口感個人至中意食，而整體嚟講都係好食既。

煙三文魚薄餅除咗我朋友唔中意食橄欖外，好食。我中意個餅底同啲蕃茄汁酸酸地，味道似係意大利食過既味道，個人嚟講勁中意。
意式肉丸配蒜蓉飽，先講肉丸無太大驚喜但都好食，但蒜蓉飽就焗得啱啱好，外脆內軟超好食。
兩款梳乎厘，原味就焗得啱啱好，酒味就可能分咗心少少燶（因為佢做緊第二啲嘢），兩款甜度都啱啱好，個人推介酒味梳乎厘。
最後埋單先至二百幾蚊唔洗三百抵！肯定下次會再返嚟食！

GOODSHOW精選 :

墨魚汁意大利粉，煙三文魚薄餅，意式肉丸配蒜蓉飽，原味梳乎厘，原味梳乎厘，酒味梳乎厘

地址 : 火炭坳背灣街33號世紀中心i地舖
電話 : 2623 3282
 

?
關於我們 |  合作夥伴  |   廣告查詢  |  私隱政策  | 飯招  |  總瀏覽人數: 19,098,308  2011-2024 Copyright GNJ COMPANY All rights reserved.